Шағын Гранттар байқауы (бұдан әрі-байқау) Қазақстан Республикасы Ақпарат және қоғамдық даму министрінің 21.07.2023 жылғы № 287-НҚ бұйрығымен бекітілген 2023 жылға арналған мемлекеттік гранттардың басым бағыттарының қосымша тізбесіне сәйкес Қазақстан Республикасы Мәдениет және ақпарат министрлігінің тапсырысы бойынша «Азаматтық бастамаларды қолдау орталығы» КЕАҚ қолдауымен мемлекеттік грант шеңберінде өткізіледі.

«Азаматтық бастамаларды қолдау орталығы» КЕАҚ «ZHASPROJECT» жобасының Операторы болып табылады».

Ұйымдастырушының жұмыс жоспары аясында Грант алушылар өмірлік маңызы бар дағдыларға, жұмысқа орналасу дағдыларына және әлеуметтік кәсіпкерлікке оқыту бағдарламасынан өту мүмкіндігіне және т.б. ие болады.


Оқыту бағдарламасы білім беру тренингтерін, мастер-кластарды, воркшоптарды онлайн және (немесе) офлайн форматта өткізуді қамтиды және оларды ұйымдастырушы дербес айқындайды.


Грант алушыларға конкурстық негізде іріктелетін және жобаларды іске асыруға жәрдемдесу үшін қажетті білімі мен тәжірибесі бар менторлардың қолдауы көрсетілетін болады. Менторлармен кездесулер онлайн және (немесе) офлайн форматта өтеді.

Грант алушы Оператор мен Ұйымдастырушыға жобаның іске асырылу барысы, оның кезеңдері мен нәтижелері туралы ақпаратты БАҚ-та және әлеуметтік желілерде жариялауға келісім береді.


Гранттық жобаларды іске асыру туралы ақпарат, сондай-ақ нәтижелер грант алушының әлеуметтік желілеріндегі хэштегпен парақшасында орналастырылуы тиіс:
#zhasproject2023,
#cisc,
@business_treningi,
@облыстың ЖАО-ң парақшасы
@өңірлік ментор парақшасының хэштегімен орналастырылуы тиіс.